ایران میں اس*رائی*ل کے لیے جاسوسی اور جنوری میں ہونے والے مظاہروں کے دوران مسجد کو نذرِ آتش کرنے کے الزام میں ایک شخص کو پھانسی دے دی گئی ہے۔بین الاقوامی میڈیا رپورٹس کے مطابق ایران میں منگل کے روز ایک اور سزائے موت پر عمل درآمد کیا گیا۔ مذکورہ شخص پر الزام تھا کہ وہ اس*رائی*لی انٹیلی جنس سروس سے منسلک ایک نیٹ ورک کا سربراہ تھا اور جنوری میں تہران میں ہونے والے مظاہروں کے دوران ایک مسجد کو آگ لگانے میں ملوث رہا۔ایرانی عدلیہ کی ویب سائٹ میزان پر جاری بیان کے مطابق اس شخص کی شناخت امیر علی میر جعفری کے نام سے کی گئی ہے۔بیان میں کہا گیا ہے کہ ملزم کو تہران کی قلہاک مسجد میں آتشزدگی اور ریاست مخالف سرگرمیوں کی قیادت کے جرم میں سزائے موت سنائی گئی تھی۔ایرانی عدلیہ کے مطابق ملک کی سپریم کورٹ نے اس سزا کو برقرار رکھا، جس کے بعد منگل کے روز اس پر عمل درآمد کیا گیا۔