پاکستان تحریک انصاف یونین کونسل سینا دامن کا ایک اہم اور فیصلہ کن جنرل ورکرز اجلاس 24 اپریل بروز جمعہ بمقام سینا منعقد ہوگا۔ یہ اجلاس نہ صرف تنظیمی سرگرمی کا حصہ ہے بلکہ یونین کونسل سینا دامن میں ایک نئی سیاسی سوچ، عوامی بیداری اور متحرک قیادت کے عزم کا مظہر بھی ہے۔یونین کونسل سینا دامن کے کارکنان اور ذمہ داران بھرپور انداز میں متحرک ہو چکے ہیں اور اجلاس کی تیاریوں میں جوش و خروش کے ساتھ مصروف ہیں۔ اس اہم موقع پر آمدہ انتخابات کی حکمت عملی، یونین کونسل سطح پر تنظیم سازی کے عمل کو مزید مؤثر بنانے اور عوام کو درپیش بنیادی مسائل کے حل کے لیے جامع لائحہ عمل پر تفصیلی گفتگو کی جائے گی۔یہ اجلاس اس حقیقت کی عکاسی کرتا ہے کہ اب وقت بدل چکا ہے اور فیصلے بند کمروں میں نہیں بلکہ عوامی امنگوں کے مطابق ہوں گے۔ سینا دامن کے باشعور عوام اور نوجوان نسل اپنے حقوق کے لیے بیدار ہو چکے ہیں اور ایک ایسی قیادت کے ساتھ کھڑے ہیں جو دیانت، میرٹ اور خدمت پر یقین رکھتی ہے۔یونین کونسل بھر میں بڑھتا ہوا جوش و خروش اس امر کا واضح ثبوت ہے کہ عوام کرپٹ، موروثی اور مفاد پرست سیاست کو مسترد کر رہے ہیں۔ مختلف اہم شخصیات کی جانب سے پرانی سیاسی جماعتوں کو چھوڑ کر پاکستان تحریک انصاف میں شمولیت اختیار کرنا اس عوامی اعتماد کا عملی اظہار ہے جو دن بدن مضبوط ہو رہا ہے۔پاکستان تحریک انصاف سینا دامن اس عزم کا اعادہ کرتی ہے کہ عوامی مسائل کے حل، شفاف قیادت کے فروغ اور ایک باوقار و خوددار معاشرے کی تشکیل کے لیے اپنی جدوجہد جاری رکھے گی۔ 24 اپریل کا یہ اجلاس انشاءاللہ ایک مضبوط، متحد اور منظم سیاسی قوت کے قیام کی بنیاد ثابت ہوگا، جو نہ صرف یونین کونسل بلکہ پورے علاقے میں مثبت تبدیلی کی راہ ہموار کرے گا۔